Ermənistanın müdafiə naziri Suren Papikyan mayın 20-də Azərbaycanla sərhədə gəlib.
QÜTB.AZxəbər verir ki, Papikyan Ermənistanın cənub-şərq sərhəd zonasına baş çəkib, aparılan mühəndislik işləri ilə tanış olub, postlar arasında yolların salınması və digər işlərə baxıb.
Papikyanın konkret hansı bölgəyə səfər etdiyi açıqlanmasa da, sərhədin cənub-şərq zonası Zəngilan istiqamətinə düşür. İndiki halda Ermənistan müdafiə nazirinin bura səfər etməsi Rusiya qoşunlarının sərhəddən çıxarılması ilə bağlı ola bilər.
Ermənistan baş naziri Nikol Paşinyanın Moskvada Putinlə görüşü zamanı rusiyalı sərhədçilərin Azərbaycanla sərhəddən çıxarılması razılaşdırılıb. Ermənistan rus sərhədçilərin ilk növbədə Zəngilanla sərhəddən - Nerkin-Hand istiqamətindən çıxarılmasını istəyir.
