Rusiya prezidentinin mətbuat katibi Dmitri Peskov Vladimir Putinin Moskvaya gələcək HƏMAS və FƏTH nümayəndə heyətləri ilə görüşmək fikrində olmadığını bildirib.
Publika.az xəbər verir ki, Peskov jurnalistlərin Putinin HƏMAS və FƏTH nümayəndələri ilə görüşü ilə bağlı sualını cavablandırarkən deyib ki, prezident bunu nəzərdə tutmur.
Bundan əvvəl Rusiyanın xarici işlər naziri Sergey Lavrov bildirmişdi ki, Rusiya daxili parçalanmanın aradan qaldırılması üçün gələcəkdə bütün aparıcı fraksiyaların iştirakı ilə fələstinlilərarası görüş keçirməyi planlaşdırır.
“RİA Novosti” məlumat yayıb ki, görüş fevralın 29-da Moskvada baş tuta bilər. Rusiya Federasiyası xarici işlər nazirinin müavini Mixail Boqdanov da görüşdə iştirak etmək üçün HƏMAS və FƏTH nümayəndələrinin Moskvaya gələcəyini bildirib.
Tural
