İrəvanda iyunun 13-də deputatın iştirakı ilə qalmaqal baş verib.

Publika.az Shamshyan.com-a istinadən bildirir ki, saat 18:45 radələrində İrəvan şəhər sakini 36 yaşlı Zarzand Akopyan polisin operativ idarəetmə mərkəzinə zəng edərək bildirib ki, Sevastopolyan 24 ünvanında yerləşən evdə ona özünü həmin binada yaşayan şəxs kimi təqdim edən Taçat adlı birisi yaxınlaşıb. O, avtomobil üstündə onunla mübahisə edib, bundan sonra nalayiq sözlər söyləyərək maşınına təpik vurub. Mənbənin məlumatına görə, Ərəbkir rayon polis idarəsinin cinayət axtarış şöbəsinin əməkdaşları qeyd olunan yerə gəliblər və onlar həyata keçirdikləri əməliyyat-axtarış tədbirləri nəticəsində Zarzand Akopyanın qeyd etdiyi şəxslərin İrəvan sakinləri olduğunu müəyyən ediblər – onlar 58 yaşlı Taçat Vardapetyan və 29 yaşlı Askanaz Vardapetyandır.

Hadisə əsasında polis fiziki təsir əlamətləri ilə bağlı sənədləri tərtib edib və Ərəbkir rayon istintaq şöbəsinə təhvil verilib.

Mənbənin sözlərinə görə, T.Vardapetyan Milli Assambleyanın keçmiş deputatı, A.Vardapetyan isə onun oğludur.

Hazırda polis onları axtarır.

Tural