Kürdəmirdə baş verən qəzada ölən və xəsarət alanların kimliyi məlum olub.

Milli.Az report-a istinadən xəbər verir ki, bunlar hadisə zamanı ölənlər "Mercedes"in sürücüsü Əmrahov Fariz Valeh oğlu, "VAZ-2106" markalı avtomobilin sərnişinləri İsmayılov Hamlet Həbil oğlu və Cəbrayılov Zamiq Vaqif oğludur.

Xəsarət alanlar isə "VAZ-2106" markalı nəqliyyat vasitəsinin sürücüsü Kərimov Sənan Vüqar oğlu və "Mercedes"in sərnişini Əmrahov Ariz Fariz oğludur.

--------

22:45

Kürdəmirdə ağır yol qəzası baş verib, ölənlər və xəsarət alanlar var.

Milli.Az report-a istinadən xəbər verir ki, hadisə Ağsu-Kürdəmir-İmişli yolunun 33-cü kilometirliyində rayonun Atakişili kəndindən keçən hissəsində qeydə alınıb.

Belə ki, "Mercedes" markalı minik maşını Kürdəmir istiqamətində hərəkətdə olarkən əks istiqamətdə gələn "VAZ-2106" markalı avtomaşınla toqqaşıb.

Qəza nəticəsində 2 nəfər dünyasını dəyişib, 2 nəfər isə müxtəlif dərəcəli ağır bədən xəsarətləri alaraq Kürdəmir Rayon Mərkəzi Xəstəxanasına çatdırılıblar.

Faktla bağlı araşdırma aparılır.

Milli.Az