Braziliyalı hücumçu Neymarın "Barselona"dan PSJ-yə transferi ilə bağlı aparılan araşdırmalar davam edir.
Publika.az xəbər verir ki, bu barədə "L'Équipe" nəşri məlumat yayıb.
Mənbənin sözlərinə görə, bu məqsədlə yanvarın 15-də Maliyyə Nazirliyində axtarış aparılıb. Əməliyyatı korrupsiya və vergi fırıldaqlarına qarşı mübarizə üzrə mərkəzi idarənin polis əməkdaşları həyata keçirib.
Qeyd olunur ki, hüquq-mühafizə orqanları Neymarın 2017-ci ildə "Barselona"dan PSJ-yə transferindəki fırıldaqları araşdırır. 222 milyon avroluq köçürmənin vergi qanunlarından yayınmaqla həyata keçirildiyi iddia edilir.
Qeyd edək ki ,Neymar PSJ-də 6 il çıxış edib. Keçən yay hücumçu Səudiyyə Ərəbistanının "Əl-Hilal" klubuna keçib. O, parislilərlə birlikdə 5 dəfə Fransa çempionu, 3 dəfə isə ölkə kuboku və Superkubokunun qalibi olub.
Heybət
