Türkiyədə Polis Xüsusi Əməliyyatlar Şöbəsinin rəisi Süleyman Qaradənizin Milliyətçi Hərəkat Partiyasının (MHP) sədri Dövlət Baxçalının əlini öpərkən çəkilən fotosu mübahisəyə səbəb olub.
Publika.az xəbər verir ki, Qaradəniz ona gələn reaksiyalara cavab verib.
"8 ildən sonra ilk dəfə Xüsusi Əməliyyat İdarəsinə gəldi. Yaşına və dövlət təcrübəsinə hörmət edərək öpdüm", - o bildirib.
Jurnalist İsmail Saymaz Qaradənizin forması üzərində olarkən belə bir hərəkət etməsinin Daxili İşlər Nazirliyini çox narahat etdiyini bildirib. Hətta bir nazirlik rəsmisi "açıqlamaq mümkün deyil. formada olarkən bu hərəkəti edə bilməz” deyib.
Türkiyə Daxili İşlər Nazirliyi tərəfindən ona qarşı heç bir rəsmi sanksiya tətbiq oluna bilməyəcəyi də bildirilib.
Roza Şəfiyeva
