“Rusiyada Ermənistanın özündən daha çox erməni yaşayır və onlar burada sevilirlər”.

Publika.az xəbər verir ki, bunu Rusiya prezidentinin mətbuat katibi Dmitri Peskov deyib.

“Və onlar ruslardır. Onlar burada özlərini yaxşı hiss edirlər, biz də onları sevirik, onlar da bizi sevirlər və biz əsrlər boyu belə yaşamışıq və əsrlər boyu da yaşayacağıq”, - deyə Peskov əlavə edib.

Peskov Rusiya ilə Ermənistan arasında münasibətlərdəki çətinliklərin keçəcəyinə əminliyini ifadə edib. O, iki ölkə arasında əməkdaşlığın tamamilə qarşılıqlı faydalı olduğunu vurğulayıb.

Qeyd edək ki, son dövrlər Ermənistan-Rusiya münasibətlərində gərginlik yaranıb. Ermənistan Vladimir Putinin həbsini ehtiva edən BCM-nin Roma Əsasnaməsinə qoşulub. Rəsmi Moskva bəyan edib ki, bu, ikitərəfli münasibətlərə mənfi təsir göstərməyə bilməz. Bundan əlavə, Nikol Paşinyan son dönəmlər anti-Rusiya bəyanatları ilə çıxış edib. Həmçinin Ermənistan parlamentinin sədri Alen Simonyan bildirib ki, Rusiya FTX-nin sərhəd xidmətinin zabitləri İrəvan Zvartnots hava limanında fəaliyyətini dayandırmalıdır. Bu da Rusiyanın reaksiyasına səbəb olub. Peskovun gərginlik fonunda belə bir açıqlama verməsi diqqət çəkib.

Akqabay