"Ukrayna məğlub olarsa, NATO Rusiya ilə birbaşa hərbi münaqişəyə girəcək".
Publika.az xəbər verir ki, bu barədə Pentaqonun rəhbəri Lloyd Ostin ABŞ Nümayəndələr Palatasında keçirilən dinləmələrdə danışıb.
"Açığını deyim ki, Ukrayna yıxılsa, həqiqətən NATO-nun Rusiya ilə mübarizəyə girəcəyinə inanıram", - Ostin deyib.
Müdafiə naziri deyib ki, Rusiya qoşunlarının Ukraynada irəliləməsi ilə bağlı xəbərlər son dərəcə narahatedicidir.
Daha əvvəl ABŞ-ın Strateji Komandanlığının rəhbəri, Hərbi Hava Qüvvələrinin generalı Entoni Kotton bildirib ki, Rusiya, Çin , Şimali Koreya və İran arasında əməkdaşlığın artması səbəbindən Birləşmiş Ştatlar nüvə silahına malik ölkələrlə bir neçə cəbhədə münaqişə ilə təhdid olunur.
Hüseyn İbadlı
