Braziliyanın köklü klublarından olan "Palmeyras"ın prezidenti Leyla Pereyra yanvarın 16-da sırf qadın jurnalistlər üçün eksklüziv mətbuat konfransı təşkil edib.

Publika.az xəbər verir ki, təxminən iki saat ərzində hər kəs qadın funksionerə klub haqqında hər cür sual vermək imkanı qazanıb.

“Şübhəsiz ki, qadınlar üçün tarixi bir gündə sizinlə burada olmaq mənə çox xoşdur. Dünyada mətbuat konfransında yalnız qadınların iştirak etdiyi bir hal tanımıram. Bizdə bu ideya yarananda bunu elan etdik və qəribə də olsa, çoxlu suallar eşitdim: “Niyə yalnız qadınlar?” Kişilərə deyəcəm ki, bizim haqqımızda isterik olmayın (gülür). Biz isterik deyilik, sadəcə olaraq biz qadınların doğuşdan bəri hiss etdiklərini hiss etmələrini istəyirik.

Bizə imtiyazlar lazım deyil. Biz bacarıqlı olduğumuzu göstərə bilmək istəyirik. Mən daim məclislərə gedirəm və orada ancaq kişilər olur. Futbol akademiyasında mətbuat konfransı təşkil edirəm və görürəm ki, 30 kişi, 2-3 qadın var. Mən özümü tamamilə tək hiss edirəm, buna görə də bunu dayandırmalıyıq. Cənubi Amerikada qadının bir top-klubu idarə etməsi normal deyil. Niyə belə olur? Çünki biz müxtəlif məhdudiyyətlərdən əziyyət çəkirik.

Amma istədiyimiz yerdə ola bilərik və bugünkü görüşümüzün səbəbi də budur. Qoy bu görüş biz qadınlar üçün hər zaman mövqe tutmağımız üçün bir mərhələ olsun. Biz bunu edə bilərik, sadəcə daha çox fürsət istəyirik”, – deyə Pereyra bildirib.

Heybət