Türkiyə Kvant Texnologiyalarının İnkişafı Mərkəzinin işə başlaması prezident Rəcəb Tayyib Ərdoğanın sədrliyi ilə keçirilən Müdafiə Sənayesi İcraiyyə Komitəsi tərəfindən qərara alınıb.

QÜTB.AZ xəbər verir ki, bu barədə ölkənin Müdafiə Sənayesi Rəyasət Heyəti açıqlama verib.

Bildirilir ki, bu çərçivədə kvant texnologiyalarında lazım olan infrastrukturların yaradılması, insan resurslarının hazırlanması, milli və beynəlxalq əməkdaşlıqların artırılması istiqamətində fəaliyyətlər həyata keçiriləcək.

Bəyanatda fikirlərinə yer verilən Müdafiə Sənayesi Komitəsinin rəhbəri Haluk Görgün qurum tərəfindən 2020-ci ildə Kvant Texnologiyalarının İnkişafı Proqramının başladığını qeyd edib:

"Dünyada inkişaf tempini artıran kvant texnologiyalarının qlobal inkişafı ilə həm döyüş meydanında, həm də elmi sahədə ölkəmiz üçün gələcək strateji üstünlüklərin fərqindəyik. Kvant texnologiyalarında yerli inkişafı sürətləndirmək və onları dünya ilə rəqabətədavamlı hala gətirmək kritik bir qazancdır. Bunun hərbi sahə ilə yanaşı dərman inkişafı, tibbi tədqiqatlar, kosmos kimi kritik mülki sektorlarda əsaslı inkişaflara yol açacağına ümid edirik”.

Roza Şəfiyeva