Britaniyanın maliyyə naziri və Cənub-Qərbi Surrey millət vəkili Ceremi Hantın seçki bürosunun pəncərə və qapılarına “Mühafizəkarların pisliyinə ölüm” sözləri sprey boya ilə vurulduqdan sonra araşdırma başlayıb.
Publika.az xəbər verir ki, bu barədə Surrey polisi məlumat yayıb.
“Polisə 4 mart tarixində təxminən saat 20.00-21.00 arasında Hindhead bölgəsindəki bir binaya hücum barədə məlumat verildi. Binanın xaricindəki qapı və pəncərələrə spreylə yazılar yazılıb”, - məlumatda deyilir.
Digər tərəfdən, bildirilir ki, artan təhlükə nəzərə alınaraq fevral ayında 3 qadın millət vəkilinə cangüdənlər və sürücülərin olduğu nəqliyyat vasitələri verilib.
Aysel Şahmar
