1. Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyilə həyata keçirilən “Feyk-nyusun yayılma səbəbləri və onunla mübarizə üsulları” layihəsinin icrasına başlanılıb.

Əsas məqsəd ictimaiyyətdə çaşqınlıq yaradan saxta xəbərlərlə mübarizə aparmaq, bu sahədə cəmiyyətin maariflənməsinə nail olmaqdır. Bütün ölkəni əhatə edəcək layihə çərçivəsində yaradılacaq sosial media hesabları internetə çıxışı olan hər kəsin saxta xəbərlərlə mübarizəyə həsr olunmuş videoçarxlarla tanış olmasına imkan verəcək. Beləlikə, cəmiyyətin müxtəlif kateqoriyalarından olan insanların doğru informasiya əldə etməyin yolları, saxta xəbərlə necə mübarizə aparmalı mövzusunda maariflənməsi təmin olunacaq. Mütəxəssislər saxta xəbərin yayılmasının cəmiyyət üçün necə təhlükəli olduğu siqnalını verirlər. Bu təhlükədən ictimaiyyət nümayəndələrini qorumaq barədə təkliflər səsləndirirlər. Başqa sözlə desək, layihənin icrası nəticəsində insanların məlumatlılığı artacaq və onlarda çaşqınlıq yarada biləcək informasiyadan qorunmağın yolları göstəriləcək.