Tacikistan Prezidenti Emoməli Rəhmon hicab taxmağı qadağan edən qanunu imzalayıb.
Publika.az xəbər verir ki, bu barədə "Asia-Plus" məlumat yayıb .
Rəhmon Tacikistan parlamentinin qəbul etdiyi bayram və mərasimlərin tənzimlənməsi haqqında qanunu imzalayıb. Qeyd edildiyi kimi, qanunun məqsədi Tacikistan cəmiyyətində xurafat və fanatizmin qarşısını almaqdır.
Yeni qanun hicab qadağasına əməl etməməyə görə cərimə nəzərdə tutur.
Qeyd olunub ki, qanun ictimai yerlərdə “qeyri-ənənəvi” geyim geyinməyə görə cərimələr ilə bağlı xəbərlər fonunda qəbul edilib.
Xatırladaq ki, 2023-cü ilin sentyabrında Özbəkistan parlamenti üzü örtən paltarların geyinilməsini qadağan edən qanun layihəsinə düzəlişlər qəbul edib .
