İtaliyanın Sardiniya adasındakı Ottana bələdiyyəsində bələdiyyə binası yaxınlığında partlayış baş verib. Hadisə nəticəsində binanın özünə də xeyli ziyan dəyib, xəsarət alan olmayıb.

Bu barədə Publika.az ANSA-ya istinadən xəbər verir .

Yerli polisin məlumatına görə, bomba 3-4 kiloqram partlayıcıdan hazırlanıb və meriya binasının xarici fasadına və birinci mərtəbəyə külli miqdarda ziyan vurub, pəncərə və qapıları uçurub, yaxınlıqdakı ofislərin fasadlarına ziyan dəyib.

Bələdiyyə binası konstruktiv olaraq zədələnməyib və sonrakı istifadə üçün yararlı hesab edilib.

Hüquq-mühafizə orqanlarının əməkdaşları hadisə anında videomüşahidə kameralarının qeydlərini artıq alıblar. Lakin hələlik heç bir şübhəli şəxs haqqında məlumat yoxdur

Nuoro prefekti Giancarlo Dionisi bazar ertəsi səhər ictimai təhlükəsizlik komitəsinin iclasını çağırıb və baş verənlərin son dərəcə ciddi bir hadisə olduğunu söylədi.

"Bazar ertəsi biz ictimai təhlükəsizlik komitəsində vəziyyəti qiymətləndirəcəyik, amma indidən deyə bilərəm ki, bu, "isti" zona deyil: administratora qarşı son bombalı hücum 2010-cu ilə təsadüf edir, buna görə də bu, aydın səma arasında ildırım idi", - o qeyd edib.

Müstəntiqlər Nuoro bölgəsində bərpaolunan enerji stansiyalarının quraşdırılmasına qarşı davam edən etiraz aksiyaları ilə partlayış arasında hər hansı əlaqə olduğunu istisna ediblər.

Hüseyn İbadlı