Ukrayna üzrə İstanbul razılaşmaları “masa üzərində” qalır və danışıqlar prosesinin əsasını təşkil edə bilər.

Publika.az xəbər verir ki, bunu Rusiya prezidenti Vladimir Putin "ŞƏT Plus" iclasında bildirib.

Putin onu da vurğulayıb ki, Rusiya Ukrayna böhranı ilə bağlı dinc danışıqlara hazırdır:

"Məhz Ukrayna danışıqlardan imtina etdi və bunu açıq şəkildə Londonun birbaşa göstərişi ilə etdi".

Xatırladaq ki, 2022-ci il martın 29-da İstanbulda Rusiya və Ukrayna arasında üzbəüz danışıqlar keçirilib və tərəflər atəşkəs üçün ilkin şərtlər, prinsiplər hazırlayıblar. BMT Təhlükəsizlik Şurasının daimi üzvlərinin sazişlərin təminatçısı qismində çıxış etməsi planlaşdırılırdı. Kiyevi Ukraynanın hakim partiyası olan “Xalqın xidmətçisi” parlament fraksiyasının lideri David Araxamiyanın başçılıq etdiyi nümayəndə heyəti təmsil edib. Rusiya nümayəndə heyətinin rəhbəri isə prezidentin köməkçisi Vladimir Medinski olub.

Adəm Abbaslı