İrəvan növbəti dəfə Qərbin göstərişi ilə hərəkət edərək qonşuları ilə nəinki nəqliyyat əlaqəsi qurmaq, hətta bütövlükdə regionda vəziyyətin normallaşmasına töhfə vermək imkanını əldən verir.
QÜTB.AZ xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
O, Ermənistan XİN-in Rusiyanın xarici işlər naziri Sergey Lavrovun bəyanatına reaksiyasını şərh edərkən bildirib:
“Sərhəd nəzarəti məsələlərində Ermənistan tərəfinin konstruktiv mövqe nümayiş etdirməməsi səbəbindən dəmir yolu xidmətinin işə salınması ilə bağlı yekun razılıq əldə etmək mümkün olmayıb”.
