İraq "İslam Müqaviməti" tərkibindəki İraq şiə yarımhərbi qruplaşmaları İsrailin təhdidlərindən sonra ölkədə təhlükəsizlik nəzarətini gücləndirmək əmrinə baxmayaraq, İsrailin cənubuna yeni hücumlar həyata keçirdiklərini açıqlayıblar.

QÜTB.AZ xəbər verir ki, bu barədə "RİA Novosti" məlumat yayıb.

Bəyanatda vurğulanır ki, İsrail hərbi hədəfinə hücum noyabrın 21-i axşam saatlarında baş verib.

Nəşr qeyd edir ki, qruplar “düşmən qalalarını məhv etmək əməliyyatlarını” davam etdirəcəklər.

Noyabrın 18-də İraqın "İslam Müqaviməti"nə aid silahlıları İsrailin cənubundakı hədəflərə hücum etdiyi bildirilir .

Oktyabrın sonunda İraq "İslami Müqaviməti" də İsraildəki "həyati" hədəflərə zərbə endirdiyini elan edib. O zaman hərəkata daxil olan şiə birliyi ölkənin şimalında tapşırıqları yerinə yetirirdi.

"İslam Müqaviməti" İraqdakı bütün iranpərəst şiə islamçı üsyançı qrupları birləşdirir. İdeoloji cəhətdən oxşar qruplardan ibarət bu şəbəkənin İran tərəfindən dəstəkləndiyi güman edilir. 2023-cü ilin oktyabrında onlar İraq, İordaniya və Suriyadakı ABŞ bazalarına raket və pilotsuz təyyarələr atmağa başlayıblar və nəticədə ABŞ hərbçilərinə yüngül xəsarətlər yetirilib. Üstəlik, 28 yanvar 2024-cü il tarixli hücum İordaniyadakı Amerika əsgərləri arasında itkilərlə başa çatıb.

Hüseyn İbadlı