"Science" jurnalında dərc olunan məqalədə göllərdəki suyun miqdarının 28 ildə 53 faiz azaldığı bildirilib.
Publika.az xəbər verir ki, temperaturun həddindən artıq artması qar yağmasını azaltmaqla yanaşı, həm də quraqlığın yaranması riskinə səbəb olur.
Bir vaxtlar Türkiyənin beşinci ən böyük şirin su gölü olan Akşehir gölü qış aylarında tamamilə quruyub və gölməçəyə çevrilib. Beyşehir gölü 26 metrdən 6 metrə, Eğirdir gölü 14 metrdən 5 metrə enib.
Üsküdar Universiteti Ətraf Etika Forumu Başçısı Prof. Dr. İbrahim Özdemir ola biləcək fəlakətləri diqqətə çatdırıb:
"Dəniz səviyyəsinin yüksəlməsi nəticəsində sahil ərazilərini su basa bilər. Həddən artıq istilər əkinçilik sahələrini səmərəsiz edə və qida böhranına səbəb ola bilər. Ekosistemlərin pisləşməsi biomüxtəlifliyi azaldır və növlərin nəslinin tükənməsinə səbəb olur".
Roza
