Hazırda ölkədə əhalinin bank kartların marağı artır. Bunun əsas səbəblərindən biri də bankların debet kartında qalan məbləğə faiz verməsidir.

Publika.az xəbər verir ki, valyuta.az bankların verdikləri faiz dərəcəi ilə maraqlanıb.

"Yelo Bank"

Bankın "Yelo Light", "Yelo Premium", "Yelo Digital Card" debet kartları var. "Yelo Light" və "Yelo Premium" VİSA Platinum kartda olan 100.000 manatadək olan məbləğə illik 6% gündəlik qalığa vəsait hesablanır. "Yelo Light" kartınızda olan 10.000 manata qədər olan məbləğə illik 4% gündəlik qalığa vəsait hesablanır.

"Bank of Baku"

Bankın "Bank of Baku"nun 3 növ - "Bolkart debet", "Bolkart Gold debet", "Bank of Baku" debet kartı var.

Qalıq məbləğ 100 - 2000 manat olduqda illik 7% gəlir hesablanır. Qalıq məbləğ 2000 AZN-dən çox olduqda - 2000 manata qədər olan hissəyə 7%-lə, 2000 manatdan yuxarı olan hissəyə isə 5%-lə hesablanır.

"Unibank"

"Unibank"ın "Visa Platinum", "Digital card", "Albalı Debet" debet kartlar var.

Belə ki, məbləğ 10 000 manatadək məbləğ olduqda illik 6%, hesabda 1000 manatadək məbləğ olduqda illik 1% vəsait hesablanır.

"Azərbaycan Beynəlxalq Bankı" (ABB)

Bankın "Tam Digicard", "TamGənc VİSA Debet", "TamKart VİSA Classic Debet", "ABB Miles VİSA", "Acercell Co-Brand", "VİSA Pay Wave" kartları var. Kartdakı qalığa illik 7% hesablanıb, ayın sonunda kart hesabına köçürülür. Qalığa faiz, Standart kartlarda vəsaitin maksimum 2500 AZN-dək hissəsinə hesablanır. Faiz hesablanacaq minimal məbləğ 200 manat təşkil edir.

"Express Bank"

Bankın "Expresso debet", "Visa Infinite Debet", "Mastercard Black Edition Debet" kartları var. Minimal 100 AZN olduğu təqdirdə faiz hesablanır. Kartın növündən asılı olaraq 3-6% arası gəlir hesablanır.

"Rabitəbank"

Yaşıl Kartmane debet kartları üzrə:

• Faiz hesablanması - AZN 4%, USD 0,25%, EUR 0% (hesabın qalığı üzrə ay ərzində hesablanmış faiz məbləği hər ayın son iş günü kapitallaşmaqla kart hesabına köçürülür).

• Faiz hesablanacaq məbləğ - min. 100 AZN/100 USD / max. 10 000 AZN/10 000 USD təşkil edir.

"Kartmane Premium" debet kartları üzrə:

• Faiz hesablanması - AZN 6%, USD 0,25%, EUR 0% (hesabın qalığı üzrə ay ərzində hesablanmış faiz məbləği hər ayın son iş günü kapitallaşmaqla kart hesabına köçürülür).

• Faiz hesablanacaq məbləğ - min. 100 AZN/100 USD max. 50 000 AZN/50 000 USD təşkil edir. Kartmane illik yığım faizi növbəti qaydada aparılır. Məs. 1000 AZN x 4%= 40 AZN ( 1 il) 40 AZN/360 gün(bank ili)=0.11 AZN ( 1 gün) 0.11 AZN x 30 gün = 3.33 AZN (30 gün)

"Kapital Bank"

Bankın "Birbank Umico Premium debet", "Birbank Miles debet", "Birbank Umico debet", "Mastercard Platinum debet", "Visa Infinite Miles debet", "Mastercard World Elite Miles debet", "Birbank Premium Cashback" debet kartları var. Kartdakı qalığa illik 2% hesablanıb ayın sonunda kart hesabına köçürülür.

"Access Bank"

Bankın "myCard Standard", "myCard Premium" debet kartları var. Kartdakı qalığa illik 7% hesablanıb, ayın sonunda kart hesabına köçürülür. Qalığa faiz, Standart kartlarda vəsaitin maksimum 2500 manata qədər hissəsinə hesablanır. Faiz hesablanacaq minimal məbləğ 200 manat təşkil edir.