HƏMAS Siyasi Bürosunun rəhbəri İsmayıl Haniyə bildirib ki, təşkilatın nümayəndə heyəti Qəzza zolağında atəşkəs danışıqlarını başa çatdırmaq üçün Misirə səfər edəcək.
Publika.az xəbər verir ki, HƏMAS-ın verdiyi yazılı açıqlamaya görə, Siyasi Büronun sədri İsmayıl Haniyə Misir Kəşfiyyat İdarəsinin rəisi Abbas Kamil ilə telefon danışığında İsrailin Qəzzaya hücumlarının dayandırılması ilə bağlı məsələni müzakirə edib.
Haniyə Misirin bu prosesdəki rolunu yüksək qiymətləndirib və HƏMAS-ın atəşkəs təklifinin araşdırılmasına müsbət yanaşmasına diqqət çəkib.
Qeyd edək ki, Misirin xarici işlər naziri Samih Şükri aprelin 29-da Səudiyyə Ərəbistanında keçirilən Dünya İqtisadi Forumunda verdiyi açıqlamada Qəzza zolağı üçün atəşkəs yaradılması təklifinin olduğunu bildirib.
Roza Şəfiyeva
