Aviasiya tarixində şəhər əfsanəsi sayılan və filmlərə mövzu olan görünməz təyyarə “Avrora” gerçəyə çevrilir.
Publika.az xəbər verir ki, hava təzyiqi ilə işləyən və "radikal texnologiyalar" ilə təchiz ediləcək təyyarə ABŞ-ın aviasiya nəhəngi "Boeing" və ordunun gizli texnologiyalarına cavabdeh olan DARPA ilə birgə gələn il hazır olacaq.
Aviasiya nəhəngi Boeing-in qabaqcıl texnologiya istehsal şirkəti dünyanın ən əfsanəvi təyyarəsini istehsala buraxıb.
ABŞ müdafiə mənbələrindən əldə edilən məlumata görə, Boeing-in törəmə şirkəti ABŞ ordusunun ən məxfi və təkmil hərbi layihələrini yaradan DARPA (Defence Advanced Research Projects Agency) ilə birlikdə döyüş təyyarəsini istehsal edəcək.
Müdafiə mediasında "X-65" kodu ilə ordu inventarına girməsi gözlənilən döyüş təyyarəsinin inqilabi dizayn və texnologiyaya sahib olduğu bildirilir.
Aysel Şahmar
