Fransanın xarici borcu 800 milyard avroya və ya ÜDM-in 28 faizinə çatıb.
Publika.az xəbər verir ki, bu barədə Fransa Bankının direktoru Fransua Vilerua dö Qalonun açıqlamasında deyilir.
"Halbuki bu rəqəm 2022-ci ildə ÜDM-in 24,8 faizinə bərabər idi", - deyən direktor xarici borcun bu cür pisləşməsini Fransa iqtisadiyyatının zəif tərəflərinin əks olunması kimi ifadə edib.
Direktor həmçinin bildirib ki, Fransanın cari hesab kəsiri ötən il 28 milyard avroya çatıb.
O, dövlət kəsiri ilə xarici ticarət arasında korrelyasiya olduğunu vurğulayıb və hökuməti rəqabət qabiliyyətini artırmaq üçün səyləri ikiqat artırmağa çağırıb.
