Rusiyanın Sverdlovsk vilayətində bıçaqlanmaya görə saxlanılan 19 yaşlı gənc polis maşını oğurlayıb.
Publika.az xəbər verir ki, bu barədə "Baza" "Telegram" kanalı məlumat yayıb.
Bildirilib ki, iki hüquq-mühafizə orqanı əməkdaşı bıçaqla hücumda şübhəli bilinən şəxsi saxlayıb Alapaevskə aparmaq üçün xidməti avtomobillə Kostino kəndinə gəliblər. Səyahət zamanı əməkdaşların diqqəti dağılıb və açarları maşında qoyaraq avtomobildən düşüblər. Daha sonra gənc sürücünün oturacağına əyləşərək maşını qaçırıb. Lakin Nijnyaya Sinyaçixa kəndi yaxınlığında o, hasara çırpılıb.
O, yenidən saxlanılıb və polis bölməsinə aparılıb.
İndi rusiyalını təkcə hücuma görə deyil, həm də xidməti avtomobil oğurluğuna görə həbs cəzası gözləyir.
Hüseyn İbadlı
