“Baş verənləri dəyərləndirməyə çalışsaq, müharibənin bitmədiyini bildirməliyik. Bunu əvvəllər də demişəm, indi də deyirəm. Bilirsinizmi Azərbaycan hansı problemi qoyub? Çox sadə bir problem qoyub ki, diplomatiya və güc yolu ilə Ermənistandan maksimumu almaq. Çünki bilirlər ki, bu planı həyata keçirdikcə, Ermənistan zəifləyəcək”.

Publika.az xəbər verir ki, bunu hərbi ekspert Hayk Nahapetyan “Konstitusiya uğrunda” hərəkatının ictimai müzakirəsi zamanı deyib.

“Ordumuz bu gün hazırdırmı, hazır deyilmi? Bu sualın cavabı bu gün heç kimə bəlli deyil. Azərbaycan ildə 10 dəfədən çox hərbi təlim keçirir, Ermənistanda isə bu göstərici sıfıra bərabərdir.

Nəzarət imtahanı hərbi təlimdir və Ermənistanda heç bir hərbi təlim yoxdur. Ermənistan müharibə başa çatdıqdan sonra düz 2,5 il silah ala bilmədi.

Mən hesab edirəm ki, Azərbaycanın əsas planı budur: Ermənistan ümumiyyətlə regionda olmasın. Həqiqətən də şişirtmirəm, Nikol getməsə, Zəngəzur dəhlizi, Sünik deyil, bütün Ermənistan əldən gedəcək”, - ekspert yekunlaşıdırb.

Tural