Türkiyə Prezidenti Rəcəb Tayyib Ərdoğanın mühafizə xidmətinin əməkdaşları Şırnak şəhərində yol qəzası keçirib.
Publika.az Türkiyə mətbuatına istinadən xəbər verir ki, qəzada 1 polis əməkdaşı ölüb, 2-si polis olmaqla 3 nəfər isə xəsarət alıb.
Məlumata görə, Prezident Rəcəb Tayyib Ərdoğan Şırnakda vətəndaşlarla görüşüb. Mitinqdə çıxış etdikdən sonra Mardinə yola düşən Ərdoğanın mühafizə dəstəsi qəza keçirib. Qəzanın Şırnakın İdil rayonunda baş verdiyi bildirilir.
