Ötən gün Nyu-Yorkda ABŞ prezidenti Co Baydenin seçki kampaniyası çərçivəsində keçirilən tədbirdə Hollivudun ustad aktyorlarından olan Robert De Niro ABŞ-ın sabiq prezident Donald Tramp haqqında danışıb.
Publika.az xəbər verir ki, Oskar mükafatlı aktyor bununla bağlı yerli mətbuata açıqlama verib.
O qeyd edib ki, klounlar yalnız amansız diktatorlara çevrildikdən sonra ciddi qəbul olunurlar: “Amma Trampın sayəsində bizim ikinci şansımız var. Onu öz səsimizlə birdəfəlik dayandırmağın vaxtıdır. Tramp Ağ Evə qayıtsa, bir daha oradan çıxmayacaq.
Bu şəhəri sevirəm, ona görə də məhv olmasını istəmirəm. Donald Tramp təkcə bir şəhəri yox, bir ölkəni məhv etmək istəyir. O, hətta dünyanı məhv edə bilər”.
Aysel Şahmar
