Dünya ölkələri 2024-cü ilə qədəm qoydu. Yeni ili ilk qarşılayan ölkə Yeni Zelandiya olub.
Publika.az xəbər verir ki, Yerin cənub yarımkürəsində yerləşən və yay mövsümünü yaşayan ölkə yeni ili minlərlə insanın iştirak etdiyi möhtəşəm mərasimlə qarşılayıb.
Gecə yarısı şəhərin simvollarından olan “Sky Tower”də atəşfəşanlıq təşkil olunub. Yeni Zelandiya ilə yanaşı Okeaniya ölkələri Kiribati, Tonqa və Samoa da yeni ili coşqu ilə qarşılayıb.
Yeni Zelandiyadan 2 saat sonra Avstraliya da 2024-cü ilə salam dedi. Daha sonra yeni ili Yaponiya, Cənubi Koreya, Honq-Konq, Tayvan, İndoneziya və Tayland da qarşılayıb.
Yaponiyanın paytaxtı Tokioda dünyanın ən izdihamlı piyada keçidi kimi tanınan Şibuyada toplaşan minlərlə insan 2024-cü ilə coşqu ilə girdi.
Aysel Şahmar
