Rusiyanın Stavropol diyarının Predqornı bələdiyyə rayonunda mikroavtobusla “Kamaz” toqquşub.
Publika.az xəbər verir ki, bu barədə yerli yol polis idarəsinin Telegram kanalı məlumat yayıb.
"Qazel" və "Kamaz"ın toqquşması nəticəsində mikroavtobusun 6 sərnişini və onu idarə edən şəxs ölüb, daha 3 nəfər xəsarət alıb.
İlkin məlumatlara görə, “Qazel”in sürücüsü “sola dönmə manevri edərkən əks istiqamətdən birbaşa hərəkətdə olan “KAMAZ”la toqquşmaya şərait yaradıb”.
Ölən və yaralananların şəxsiyyəti dəqiqləşdirilir.
