Avstraliyanın Palumpa bölgəsində dərədə çimərkən timsahın hücumuna məruz qalan 12 yaşlı qızın meyiti tapılıb.
Publika.az xəbər verir ki, 12 yaşlı qızın itkin düşməsi xəbərini alan polis qüvvələri axtarış əməliyyatına başlayıb.
Quru, hava və su ilə 36 saat davam edən gərgin axtarışlar nəticəsində qızın itdiyi yerin yaxınlığından meyit tapılıb.
Polis məmuru Erica Gibson Palumpa bölgəsi yaxınlığında tapılan bədən hissələrindəki yaraların timsah hücumunu təsdiqlədiyini açıqlayıb.
Qeyd edək ki, Avstraliyada vəhşi heyvanların hücumları nəticəsində hər il bir çox insan ölür.
Aysel Şahmar
