Tailand hakimiyyəti eynicinsli nikahları leqallaşdıran qanun qəbul edib.
Publika.az xarici mətbuata istinadən xəbər verir ki, ölkənin 500 üzvdən ibarət Nümayəndələr Palatasında qanun lahiyəsi səsverməyə çıxarılıb. 400-ə yaxın palata üzvü qanun layihəsini dəstəkləyib, 10-u əleyhinə səs verib, 5 üzv isə bitərəf qalıb.
Qanun Senatın yuxarı palatası və kral tərəfindən təsdiqlənərsə, 120 gündən sonra qüvvəyə minəcək.
Qeyd edək ki, monarxiya idarəetmə sisteminə malik Tailand Cənub-Şərqi Asiyada bu cür qanun layihəsi qəbul edən ilk ölkədir.
