Xalq artisti Faiq Ağayev İctimai TV-də dünən yayımlanan "Maska şou"nun final buraxılışında influenser Aynişan Quliyeva ilə Nadir Rüstəmlinin münasibətlərindən söz açıb.

Publika.az xəbər verir ki, buna səbəb şouda Alov maskası altında çıxan müğənni Nadir Rüstəmlinin çıxışı zamanı səhnədə Xarıbülbül portretindən istifadə etməsi olub. Belə ki, Aynişan Quliyeva proqramda Xarıbübül maskası ilə çıxış edirdi.

Faiq Ağayev bildirib ki, Alov Xarıbülbülü yandırıb kül edə bilər.

"Deməli, cəhrə xalanın quşu o gün xəbər verib ki, bu iki personaj bir-birini sevir", - ulduz qeyd edib.

Nigar Camal onların dost olduqlarını bildiyini, aktyor Coşğun Rəhimov isə "Çox dərinə getmə" deməklə kifayətlənib.

Sözügedən kadrları Aynişan Quliyeva özü də instaqramda paylaşaraq "Finalda səhnədə oldum, sağ ol, Alov" yazıb və qırmızı ürək işarəsi qoyub.