Zambiya prezidenti Hakainde Hiçilema ölkə daxilində baş verən quraqlıq səbəbindən “milli fəlakət və fövqəladə vəziyyət” elan edib.
Publika.az xəbər verir ki, Hiçilema beynəlxalq tərəfdaşları humanitar yardıma çağırıb. O, iqtisadiyyatı və sənayeni ayaqda saxlamaq üçün hidroelektrik qaynaqlarındakı itkini enerji idxalı ilə ödəyəcəklərini bildirib.
Prezident kredit şirkətlərindən Zambiyanın borclarını yenidən strukturlaşdırmalarını istəyib.
Ötən həftə ölkədə aclıq təhlükəsi səbəbindən qarğıdalı və qarğıdalı ununun ixracı qadağan edilib.
Xarici borclarını ödəyə bilmədiyi üçün defolta gedən Zambiyanın Çin başda olmaqla bir çox kredit şirkətinə borcu var.
Roza Şəfiyeva
