Somalidə silahlılar tərəfindən qaçırılan BMT missiyasının helikopterində Keniya, Uqanda və Misir vətəndaşları olub.

Publika.az xəbər verir ki, bu barədə “Wall Street Journal” məlumat yayıb.

BMT-nin Somalidəki Yardım Missiyası təşkilatın helikopteri ilə bağlı “insident” olduğunu təsdiqləyib.

“Göyərtədə olan doqquz nəfər arasında iki keniyalı həkim, Uqandadan olan bir əsgər, Somalidən olan bir zabit və Misirli həkim də var idi”, – nəşr Somali hərbçilərinin məlumatlarına istinadən yazıb.

Qeyd olunur ki, silahlılar Misirdən olan həkimi öldürüblər.

Yüksək vəzifəli məmurlardan birinin sözlərinə görə, BMT böhranı həll etmək üçün təcili əməliyyat qrupu yaradıb.

Somalidə yerləşən “Əl-Şəbab” radikal islamçı qruplaşması “Əl-Qaidə” beynəlxalq terror təşkilatı ilə sıx əlaqələrə malikdir. Təşkilat Somalinin mərkəzi hökumətinə qarşı silahlı mübarizə aparır və BMT-nin humanitar fəaliyyətinə mane olur. ABŞ “Əl-Şəbab” mövqelərinə müntəzəm zərbələr endirir.

Tural