Dietoloq Antonina Starodubova hər kəsə yaşıl çay içməyi tövsiyə edib. Mütəxəssisin sözlərinə görə, bu içki orqanizmə faydalı təsir göstərir, bir çox xəstəliklərin yaranma riskini azaldır. İlk növbədə, yaşıl çay içmək diabet, xərçəng və ürək-damar xəstəlikləri riskini azaltmağa kömək edir.

Publika.az xəbər verir ki, bu barədə Starodubova "M24"ə danışıb. O, bildirib ki, yaşıl çayın faydaları bunlarla bitmir.

“O, yaşlanma əleyhinə təsirə malikdir və beyin, qaraciyər, dərinin qocalma prosesini ləngidir, hətta orqanizmin ümumi müqavimətini artır. Bu təsir yaşıl çayda çoxlu miqdarda vitaminlər, minerallar, antioksidantlar, üzvi turşular və digər faydalı maddələrin olması səbəbindən əldə edilir. Gün ərzində 5 stəkan yaşıl çay içə bilərsiniz. Əsas odur ki, içki keyfiyyətli olsun”, - yekunda dietoloq qeyd edib.

Aytən