Rusiyanın yenilənmiş nüvə doktrinasının nəşri ABŞ administrasiyası üçün siqnal sayıla bilər.
QÜTB.AZ xəbər verir ki, bunu Rusiya prezidentinin mətbuat katibi Dmitri Peskov deyib.
"Rusiyanın yenilənmiş nüvə doktrinasının dərci ölkənin dərinliklərinə zərbələr endirmək üçün “ATACMS” ballistik raketlərinin istifadəsini təsdiqləyən ABŞ administrasiyası üçün siqnal sayıla bilərmi?" sualına Peskov “Əlbəttə" cavabını verib.
"Putin görünməmiş eskalasiyaya cavab verməlidir ki, bu da ilk növbədə hakimiyyətdən gedən Vaşinqton administrasiyası tərəfindən təhrik olunur”, - Peskov qeyd edib.
O vurğulayıb ki, hakimiyyətdən gedən ABŞ administrasiyası getdikcə ehtiyatsız addımlar ataraq Ukrayna münaqişəsi ətrafında gərginliyi yüksəldir.
