Böyük Britaniya baş nazirinin iqamətgahının yerləşdiyi Dauninq küçəsinin sakinləri 5 dəfə dəyişsə də, iqamətgahın pişiyi Larri hələ də növbətçiliyini davam etdirir.
Publika.az xəbər verir ki, Larri 2011-ci ildə evin içində siçanları ovlamaq üçün sahibləndirilib.
2007-ci ildə doğulan və 17 yaşdan yuxarı olduğu güman edilən bu pişik 10 ildən artıqdır ki, həmin ərazidə yaşayır. Larri 1989-cu ildə Marqaret Tetçerin hakimiyyəti dövründə baş nazirin iqamətgahında sahibləndirilən və 1997-ci ildə təqaüdə çıxan küçə pişiyi Humpreydən sonra bu vəzifəni tutan ilk pişikdir.
Larriyə baş nazirin iqamətgahında "Baş siçan ustası" adı da verilib.
Roza
