ABŞ prezidenti Co Bayden yenə də səhvə yol verib və Amerikanın sabiq lideri Donald Trampı sələfi deyil, öz professoru adlandırıb və dərhal da düzəliş edib.

Publika.az xəbər verir ki, Bayden Viskonsin ştatında çıxışı zamanı səhvə yol verib.

"Professorum, yox, mən öz professorum haqqında danışmayacağam, qulaq asın, mənim sələfim fərqli bir kurs seçdi: iqtisadiyyatı tükəndirmək, çox zəngin və böyük korporasiyalar üçün vergiləri azaltmaq, büdcə kəsirini əhəmiyyətli dərəcədə artırmaq", - Bayden deyib.

Çıxışı zamanı Bayden pandemiya və tənəzzül ifadələrini də qarışdırıb. "Bilirsiniz, indi, tənəzzüldən, yox pandemiyadan əvvəl Amerikada təxminən 700 milyarder var idi", - o bildirib.

Bayden həmçinin bildirib ki, Viskonsin ştatı onun prezidentliyi dönəmində 169 yeni iş yeri əlavə edib: “Mən prezident olduğumdan bəri ABŞ-da 14 milyon yeni iş yeri, Viskonsin ştatında isə 169 yeni iş yeri açılıb”.

Tural