ABŞ prezidenti Co Bayden Birləşmiş Ştatların hərbi yardım göstərdiyi ölkələrdən müharibə qanunlarına əməl olunmasına təminat tələb edəcəyini bildirən fərmanı imzalayıb. Fərmana əsasən bu ölkələrdən 180 gün ərzində yazılı öhdəlik tələb olunacaq.
Publika.az xəbər verir ki, Bayden bundan sonra ABŞ-ın hərbi yardım göstərdiyi ölkələrdən müharibə qanunlarına əməl olunmasına zəmanət tələb edəcəklərini açıqlayıb.
İsrail kimi aktiv münaqişədə olan ölkələr üçün bu müddət 45 gün olaraq müəyyən edilir. Bu fərmandan əvvəl Bayden İsrailin Qəzzada sərhədi aşdığını söyləyib.
Qeyd edək ki, ABŞ 100 ölkəyə hərbi yardım edir. İsrail 1950-ci ildən bəri ən çox yardım alan ölkələrin siyahısında birinci yerdədir. ABŞ hər il İsrailə 3,8 milyard dollar dəyərində silah və texnika bağışlayır.
Aysel
