ABŞ və Böyük Britaniyanın Qırmızı dənizdəki hərəkətləri NATO-nun Yuqoslaviya, Əfqanıstan və Suriyanı qeyri-qanuni bombardmanının ən pis vaxtlarını xatırladır.
Publika.az xəbər verir ki, bu sözləri Rusiyanın BMT-dəki daimi nümayəndəsi Vasili Nebenzya bildirib.
"Təhlükəsizlik Şurası həmkarlarımızın - ABŞ və Böyük Britaniyanın - Qırmızı dənizdəki aqressiv hərəkətləri NATO-nun Yuqoslaviya, Əfqanıstan, İraq, Liviya və Suriyanı barbar və qeyri-qanuni bombardmanının ən pis dövrlərini xatırladır", - o deyib.
Nebenzya qeyd edib ki, Rusiya Federasiyası Yəmənə qarşı təcavüzü qəti şəkildə pisləyir: “Vaşinqton və Londonun qeyri-qanuni və təxribat xarakterli hərəkətləri beynəlxalq sülh və təhlükəsizliyə birbaşa təhdid yaradır və beynəlxalq hüququn aliliyinə və BMT-nin mərkəzi roluna əsaslanan dünya nizamını pozur”.
