"Avroviziya" beynəlxalq mahnı müsabiqəsində iştirakçılara ölkəmizdən münsiflər tərəfindən veriləcək səsləri Aysel Adıgözəlzadə elan edəcək.
QÜTB.AZ xəbər verir ki, bu barədə İctimai Televiziya məlumat yayıb. Bildirilib ki, mayın 11-i İctimai Televiziyanın efirində əfsanəvi sözləri Ayseldən eşidəcəyik.
Aysel yarışmanın qaydalarına əsasən, mayın 11-də final gecəsi iştirakçılarının taleyini həll edəcək jüri ballarını İctimai Televiziyanın canlı efirində səsləndirəcək. Verilən xallar müsabiqə iştirakçılarının aktivinə əlavə olunacaq.
Məlumat üçün bildirək ki, Xalq artisti Murad Adıgözəlzadə ilə ailə qurduqdan sonra sənətdən gedən müğənni "Avroviziya 2024"ün seçimlərində həm də münsif kimi çıxış edib.
