Bir sıra Avropa ölkələrində “Boris” siklonunun yaratdığı daşqınlar nəticəsində biri yanğınsöndürən də daxil olmaqla azı 6 nəfər ölüb.

QÜTB.AZ DW-yə istinadla xəbər verir ki, hadisə nəticəsində daha dörd nəfər itkin düşüb.

Siklon Polşa, Çexiya, Rumıniya və Moldovanın ərazilərinə təsir edib. Avstriyada, Aşağı Avstriya federal əyalətində yanğınsöndürən daşqının nəticələrini aradan qaldırarkən həlak olub. Bölgənin qubernatoru Yohanna Mikl-Leitner bildirib ki, zərərçəkənlərə kömək etmək üçün ordu cəlb edilməlidir.

Devastating floods on the south of Poland, #Głuchołazy #StronieŚląskie. Bridges, dams and houses have been swept away, people evacuated. One person died. #climatecrisis #ClimateEmergency #floods #PolandFloods pic.twitter.com/p30WYapu2L

— Joanna Kędzierska (@joakedzierska) September 15, 2024

Ötən gün Rumıniyanın Moldova ilə sərhədə yaxın Qalati şəhərində sel 4 nəfərin həyatına son qoyub. Ölənlər arasında əsasən qocalar olub. Güclü yağış suyun səviyyəsinin xeyli qalxmasına, 1,7 metrə çatmasına səbəb olub və yerli sakinlər evlərin çıxmağa məcbur olub.

“Boris” siklonu Macarıstan, Slovakiya və Almaniyanı da əhatə etməklə Avropadan keçməyə davam edir. Bavariyada 100 mm-ə qədər yağış, Alp dağlarında isə güclü qar yağacağı gözlənilir.

Hüseyn İbadlı