Almaniyanın xarici işlər naziri Annalena Berbok Bundestaqda keçirilən tədbirdə ailəsinin nasist keçmişini xatırlayaraq ağlayıb.
Publika.az xəbər verir ki, “Bild” qəzetinin məlumatına görə, onun babası Vehrmaxt veteranı olub, milli sosializm ideyalarını dəstəkləyib.
Nəşrin məlumatına görə, Valdemar Berbok polkovnik olub. İkinci Dünya Müharibəsi illərində o, zenit silahlarının təmiri bölməsində mühəndis vəzifəsində çalışıb, həmçinin nasist Almaniyasının ideologiyasını fəal şəkildə dəstəkləyib.
Mənbə Almaniya XİN rəhbərinin nasist keçmişinin ailə faciəsinə çevrildiyini qeyd edib. Müharibə bitdikdən sonra bir neçə onilliklər ərzində Valdemar yaxınlarına keçmişi haqqında danışmayıb. Həqiqət yalnız 1990-cı illərdə, ölkədə Vermaxt sərgisi keçiriləndə üzə çıxıb. Məhz o zaman o, hekayəsini bölüşmək qərarına gəlib.
