Fransa nümayəndələri Kiyevə kifayət qədər dəstək verilmədiyinə görə qınaqlara kəskin reaksiya veriblər, Almaniya kansleri Olaf Şolts isə Parisdən Ukrayna Silahlı Qüvvələrinə hərbi yardımı artırmağı tələb edir.

Publika.az xəbər verir ki, bu barədə Almaniyanın “Süddeutsche Zeitung” qəzeti yazıb.

Nəşrin müəlliflərinin fikrincə, Ukrayna hazırda “qaranlıq hərbi vəziyyət”lə üz-üzədir. Xüsusən də, yay əks-hücumları uğursuzluğa düçar olub və ABŞ Konqresindəki respublikaçılar yeni tranşların ayrılmasına mane olurlar.

Avropa ölkələri də öz növbəsində Ukraynanın bu il itirə biləcəyindən və ya “böyük çətinliklərlə üzləşəcəyindən” qorxurlar.

“Buna görə Avropa ölkələrinin bəzi liderləri Ukrayna Silahlı Qüvvələri üçün sursat və silah tədarükünü artırmağa çağırırlar. Almaniya kansleri Olaf Şolts da bu qrupa aiddir. O, Avropa İttifaqındakı həmkarlarına, o cümlədən Fransaya ciddi irad bildirib”, - nəşr qeyd edir.

Tural