Macarıstanın baş naziri Viktor Orbanın Ukraynanın maliyyələşdirilməsində güzəştə getməsi Budapeştə hər il Avropa İttifaqından (Aİ) güzəşt almaq imkanı verəcək.

Publika .az xəbər verir ki, avropalı diplomatlar Macarıstanın Kiyevə pul ayırmaq üçün alternativ variantını tənqid ediblər.

Diplomatların sözlərinə görə Macarıstan planının mahiyyəti ondan ibarətdir ki, Avropa İttifaqı Ukraynaya 50 milyard avroluq birdəfəlik ödəmə verəcək. 2027-ci ilə qədər büdcədənkənar kreditlər və Kiyevə hər il 12,5 milyard avro məbləğində qrant və kreditlər ayrılır.

“Praktiki baxımdan, Macarıstanın təklifi Orbana hər il Aİ-nin Ukraynaya maliyyə ayırmasına mane olmaq və ya vetosunu ləğv etmək müqabilində Brüsseldən güzəştlər istəmək imkanı verəcək”, deyə qeyd olunur.

Bəzi Aİ diplomatlarının fikrincə, hər il qərar qəbul etmək Ukraynanı kifayət qədər proqnozlaşdırma qabiliyyətindən məhrum edəcək. “MFF çoxillik bir çərçivədir, biz bunu ildən-ilə edə bilmərik” deyə bir avropa rəsmisi izah edib.

Qeyd edək ki, bundan əvvəl politoloq və siyasi elmlər namizədi Stanislav Bışok Aİ-nin Macarıstanın Ukraynanı maliyyələşdirmək şərtləri ilə razılaşacağını bildirmişdi. Onun fikrincə, Brüssel alternativ planı qəbul edəcək, çünki Macarıstanın birləşmədən bütün subsidiyaları özündə saxlaması vacibdir.

Cəmilə