ABŞ Dövlət Departamenti Türkiyə ilə Suriya arasında normallaşma səylərini dəstəkləmədiklərini açıqlayıb.

Publika.az xəbər verir ki, Türkiyə prezidenti Rəcəb Tayyib Ərdoğan 12 ildən sonra ilk dəfə Suriya lideri Bəşər Əsədlə görüşə və münasibətləri normallaşdıra biləcəyini bəyan edib.

Lakin iki ölkə arasında baş verə biləcək mümkün inkişaf ABŞ-ı narahat edib.

"Türkiyə ilə Suriya arasında münasibətlərin normallaşacağına dair məlumatlar görürük. ABŞ bu normallaşma səylərini dəstəkləmir. Siyasi həll olmadan Əsəd rejimi ilə münasibətləri normallaşdırmayacağıq”, - deyə ABŞ Dövlət Departamentinin sözçüsü Rudav Vaşinqton bildirib.

"Suriya rejimi ilə əlaqəsi olan bütün ölkələri bu əlaqələrdən suriyalıların humanitar, insan haqları və təhlükəsizlik vəziyyətini yaxşılaşdırmaq və BMT-nin 4456 saylı qətnaməsinin məqsədlərinə nail olmaq üçün istifadə etməyə çağırdıq”, - deyə o, əlavə edib.

Roza Şəfiyeva