ABŞ maliyyə nazirinin müavini Uolli Adeyemo Ukraynaya səfər edib.
Publika.az xəbər verir ki, bu barədə ABŞ-ın Kiyevdəki səfirliyi "X" sosial şəbəkəsində məlumat yayıb.
“Biz Uolli Adeyemonu Kiyevdə salamlamaqdan məmnunuq, burada o, yüksək vəzifəli şəxslərlə görüşəcək”, - nəşr bildirib.
Bildirilir ki, Adeyemo Vaşinqtondan Kiyevə maliyyə dəstəyi ilə bağlı danışıqlar aparmaq üçün gəlib. Amerika rəsmisi həmçinin Rusiyaya qarşı sanksiyaların sərtləşdirilməsini və Rusiya Federasiyasının dondurulmuş aktivlərinin istifadəsini müzakirə etməyi planlaşdırır.
Qeyd edək ki, ABŞ maliyyə nazirinin müavininin Ukraynaya nə qədər müddətə gəldiyi hələlik məlum deyil.
Adəm Abbaslı
