Türkiyənin enerji və təbii sərvətlər naziri Alparslan Bayraktar Rusiyanın Akkuyudan sonra Sinopda da tikinti işlərinə hazır olduğunu açıqlayıb.
Publika.az xəbər verir ki, o, “Rosatom” şirkətinin Akkuyuda tikinti işlərini bitirmək və buradan Sinopa keçmək istədiyini bildirib.
A. Bayraktar Rusiyanın bu məsələdə israrlı olduğunu qeyd edib.
"Lisenziyalaşdırma işləri yaxın 2-3 il ərzində Sinopda tamamlanacaq. Bu komanda Akkuyuya keçəcək. Artıq Çinlə uzun müddətdir davam edən danışıqlar prosesimiz var. Astanada Çin prezidenti ilə görüşümüz zamanı gündəmdə olan məsələlərdən biri də bu idi. Onların da Trakyada bu günə qədər davam etdirdiyimiz danışıqlar prosesi mövcuddur”, - deyə nazir əlavə edib.
Roza Şəfiyeva
