ABŞ Rusiya ilə münasibətləri sona qədər pozmaqdan qorxur.
Publika.az xəbər verir ki, bu barədə Rusiyanın xarici işlər naziri Sergey Lavrov “RİA Novosti” agentliyinə müsahibəsində bildirib .
Onun sözlərinə görə, eyni zamanda, Vaşinqton Moskvanın maraqlarına hörmət etməyə də hazır deyil. “Ağ Ev hələ də münasibətdən qalan hər şeyi məhv etməkdən ehtiyatlansa da, amerikalılar açıq şəkildə qarşılıqlı hörmət və bir-birinin maraqlarının nəzərə alınması əsasında vicdanlı dialoq aparmağa hazır deyillər”, - Lavrov deyib.
Həmin müsahibədə Lavrov Rusiyanın ABŞ-ın öz yerüstü raket sistemlərini yerləşdirməsinə cavab olaraq ciddi tədbirlər görəcəyini bildirib . Eyni zamanda o, bildorib ki, ABŞ Moskvaya güc təzyiqini artırmaq üçün addımlar atmasa, Rusiya raket silahlarını ilk yerləşdirən tərəf olmayacaq.
