ABŞ Konqresinin Nümayəndələr Palatasında demokratlar yeni seçilmiş prezident Donald Trampın ölkənin hazırkı lideri Co Baydenin siyasətindən əl çəkməsinə mane ola biləcək qabaqlayıcı tədbirlər variantlarını nəzərdən keçirirlər.

QÜTB.AZ xəbər verir ki, bu barədə “Axios” portalı yazıb. Nəşrin yazdığına görə, bir çox demokratlar qorxurlar ki, onların rəqibləri Konqresin aşağı palatasında çoxluğu ələ keçirsələr, bu, Trampa Bayden administrasiyası dövründə imzalanan əmrləri ləğv etməyə imkan verəcək.

Bildirilir ki, Nümayəndələr Palatasının Demokratik Azlıqlarının lideri Hakeem Ceffries Trampa qarşı müxalifətə rəhbərlik etməyə hazırlaşır.

Bundan əvvəl Trampın seçki kampaniyasının sözçüsü Karoline Levitt bildirmişdi ki, Tramp dövlət başçısı kimi ilk həftəsində Baydenin fərmanlarını ləğv edəcək. Onun sözlərinə görə, Respublikaçı Bayden və onun vitse-prezidenti Kamala Harrisin ilk Tramp administrasiyasının effektiv siyasətindən kənara çıxaraq imzaladıqları bütün icra sərəncamları ləğv olunacaq.

O qeyd edib ki, Baydenin səlahiyyətlərinin ilk həftəsində imzaladığı 94 sənəd ölkənin cənub sərhədində iqtisadi böhrana səbəb olub.

Trampın Təhsil Departamentini ləğv etmək fikri ABŞ-da narahatlığa səbəb oldu. “The Wall Street Journal” xatırladıb ki, o, maliyyələşdirmə və sinif fəaliyyətləri üzərində nəzarəti gücləndirməyə və universitetlərdə solçu meylləri cilovlamağa söz verib. Siyasətçi Təhsil Nazirliyinin Əmək Nazirliyi ilə birləşdirilməsi təklifi ilə çıxış edib, lakin ABŞ Konqresi bunu təsdiq etməyib.

Tural