Amerika Konqresi 2024-cü ildə bu məqsədlər üçün əlavə ayırmalar haqqında qanun layihəsini qəbul etməsə, Ağ Ev Kiyevə hərbi yardım göstərə bilməyəcək.
Publika.az xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.
“Ukraynaya dəstək üçün əlavə maliyyə olmasa, ABŞ ən azı birtərəfli qaydada hərbi yardım göstərməyə davam edə bilməyəcək”, - deyə o bildirib.
Fevralın 6-da “Financial Times” yazıb ki, Ukrayna ABŞ-ın keçmiş prezidenti Donald Trampın nüfuzunun artması səbəbindən bu il ABŞ-dan köməksiz qala bilər .
Həmin gün Avropa Şurasının rəhbəri Şarl Mişel Avropa Parlamentində çıxış edərək ABŞ Konqresini Ukraynaya 60 milyard dollarlıq yardımın qarşısını almağa çağırıb.
Hüseyn İbadlı
